BISNESSEUROPE: Беларусь павінна паскорыць працэс уваходжання ў СГА
Спадар Адрыян ван ден Ховен падзяляе так сама заклапочанасць аб пагрозе эканамічнай бяспекі Беларусі і заклікае да больш актыўнага ўдзела ў праграме Ўсходняга партнерства.
Алесь Макаеў: Палітыкі ўключаюць нас у свае эканамічныя інтэграцыйныя праэкты без уліку меркавання прадпрымальнікаў. Мы прапанавалі BISNESSEUROPE некалькі накірункаў супрацы ў межах праграмы Ўсходняе партнерства. У крызіс для прадпрымальнікаў вельмі важным з’яўляецца абарона правоў уласнасці і правядзенне на яе падставе рынкавых рэформ.
Тэкст зварота BISNESSEUROPE
Аляксандру Макаеву
Старшыне Кардынацыйнай рады
індывідуальных прадпрымальнікаў Мінска
Паважаны спадар Макаеў,
Дзякуй за Ваш ліст ад 30 лістапада 2009 года, у якім Вы выказалі заклапочанасць з нагоды фармавання Мытнага саюзу Расеі, Казахстана і Беларусі.
Хоць падтрымліваючы ў прынцыпе рэгіянальную інтэграцыю, BISNESSEUROPE заклапочана тым, што Мытны саюз Расеі, Казахстана і Беларусі пагоршыць умовы доступу на рынак гэтых краін для еўрапейскіх экспарцёраў і нанясе сур'ёзную шкоду некаторым важным еўрапейскім індустрыям. У выніку, гэта пагоршыць гандлёвы і інвестыцыйны клімат у краінах Мытнага саюза.
Гэта неадкладнае пытанне для Беларусі, паколькі ЕЗ з'яўляецца асноўным партнёрам Беларусі па экспарце, прымаючы больш за 40% беларускага экспарту. Гандаль таварамі паміж ЕЗ і Беларуссю ўпэўнена вырас за апошнія пяць гадоў. Таму нам здаецца, што Беларусь павінна паскорыць свой працэс уваходжання ў СГА.
Мы таксама адзначаем Вашу заклапочанасць эканамічнай бяспекай Беларусі. Таму BISNESSEUROPE настойліва заклікае Беларусь актыўна далучацца да праграмы Ўсходняга партнерства. Гэта праграма павінна таксама актыўна супрацоўнічаць з арганізацыямі бізнэсу і грамадства, такімі, як Ваша, для вызначэння прыярытэтаў дзейнасці.
Дазвольце Вас запэўніць, што BISNESSEUROPE працягне звяртацца да пытанняў уздзеяння Мытнага саюзу, пры кожнай магчымасці.
Шчыра Ваш,
Адрыян ван ден Ховен
0 Комментариев
